Cəlilov Bədrəddin Nəsib oğlu 1975-ci ildə Bolnisi rayonu, Kəpənəkçi kəndində anadan olmuşdur. 1981-1982 tədris ilində kənddə birinci sinifə getmiş və 1992-ci ildə orta məktəbi bitirmişdir.

19 iyul 2012-ci il tarixində Bədəlov Rəşid müəllimin təşkilatçılığı və Həsənov Qəşəm müəllimin məsləhəti ilə Kəpənəkçi kəndində olan bütün nəsillərin şəcərəsini yazmağa başlamış və elə həmin ilin noyabrında şəcərələri yazıb tamamlayaraq Bakıya, Kəpənəkçi xeyriyyə cəmiyyətinə göndərmişdir.

2017-2018-ci illərdə kəndin ziyalıları, qaçaqları, məşhur şəxsiyətləri və s. haqqında Qasımov Musa  müəllim, Qasımov Murad müəlim, Turabov İsrafil müəllimdən məlumatlar toplamışdır.

Bədrəddin bəy kənddə sadə bir həyat yaşayıb fəhlə işləsə də poeziya vuğunudur. Çoxlu kitablar oxuyur, bir sıra şairlərin şeirlərini əzbərdən demək istedadı var. Sevimli məşğliyyətlərindən biri də kəndimizin keçmişini araşdırmaq və öyrənməkdir.

Ailəlidir, iki qızı və bir oğlu var.